for Morven

Modern bairns are additive stappit
Niacin, protein, vitamin C
Gie them brose — they winna takk it
Yoghurt, yak's-dirt Muesli

Modern bairns gie shears the go-by
Spike hair, pink's a soo's bumbee
Crimpit, coddlit, buffed bi blow dry
Granda's clippers winna dee.

Modern bairns are ayewise girnin
Wintin this, and sikkin than
"Some like ye war," cheeps ma mither.
Fegs, I niver thocht on thon!