Open wide. Fit a view!
Waur nor luikin doon a bugs’ H.Q.
This set o teeths’ like extinct volcanoes
Aa the hues o a palettefu o rainbows
Chocolate, aniseed, peppermint, bananas
Mair dirt there than a tink’s pyjamas!
Drill oot the cavity. Pulverise the brute!
Switch on the stereo. Droon the skirls oot!
Hurra for the ile boom. He needs teeth, fa dines;
Come in Sheik Abdulla. Bring yer concubines
Fin WE clean yer canines, we makk sure they shines
Fa’d be a dentist?
Waur nor settin mines!!