Shetland fiddler, sangstar an sang-screivar, Claire White, haes pit thegither a video for Hallaeen cryed Da Fateful Tale o Marion Pardone. This is the first sang o the album Lasses Trust in Providence recordit bi Claire White an Robbie Leask. Grundit on auld trial papers fae 1644, Claire recoonts the story o Hillswick wifie Marion Pardone that wis cawed a witch, an syne pit tae deith. The cutty video wis made bi Claire, for tae gae alang wi her sang, an haed uphaud fae baith the Shetland Amenity Trust an Shetland ForWirds in the makkin o it. The cutty video will hae its first ootset in the Shetland Museum on Hallaeen nicht, wi free ingait, whaur the’ll be a bittie crack aboot 17t century witchcraft in the isles. The video will gae online efter. Please clap on the email clairewhiteshetland@gmail.com for tae get mair wittins anent this.

Photie bi Jonathon an Lauren Bulter.

The’r a soond file o this story in Scots abuin.